ازاى تعتنى بصوتك فى نزلات البرد وفى موسم الشتاء !!!
باعتبار أن صوتك كمعلق صوتى ومدبلج هو رأس مالك فأنت لازم تعتنى به وتهتم به ☘️👌
: هتكلم معك عن نصائح وخطوات الاعتناء بصوتك فى نزلات البرد
أثناء البرد على قد ما تقدر ادى لصوتك الراحة اللازمة ، لانه زيه زى الجسم بيحتاح لراحة ، اتكلم فى أضيق الحدود وبلاش تستخدم الطبقات العالية من صوتك عشان مترهقش صوتك ويحصل لك .
اشرب مياه كتير عشان السوائل اللى بتفقدها
اشرب حاجات دافئة كتير ودافئة مش ساخنة عشان ماتعملش
دفى ودانك لان برد الاذن بيجيب برد ، الأنف والاذن والحنجرة مرتبطين ببعض حتى هو دكتور انف واذن وحنجرة
خلى بالك من الدفاية لما تشغل دفاية فى الجو البرد ماتخرجش فى البرد علطول ، استنى شوية بعد ماتطفيها وبعد كده اخرج .👌
شوربة الخضار مفيدة جدا للجسم عشان الفيتامينات اللى محتاجها الجسم 😇
كتر من الفواكه اللى فيها فيتامين زى الكيوى والفراولة والجوافة والبرتقال .
امتنع عن المشروبات اللى بتعمل جفاف للاحبال الصوتية كالكحوليات والمشروبات الغازية
قلل من الشاى والقهوة لانهم بيعملوا جفاف للاحبال الصوتية🤚
دائما خد معك جاكت احتياطى عشان تقلبات الجو لو بتنزل بدرى وترجع متأخر
اعصر ليمونة على زجاجة مياة الصبح واشرب منها عشان مناعة الجسم 😇.
دى نصائح مهمة عشان تحافظ على صوتك فى نزلات البرد وفصل الشتاء ، وربنا يكفيكم دائما شر الامراض 💚🙏
0 Comments