الفرق بين الدوبلاج والفويس اوفر

ايه الفرق بين الدوبلاج وبين التعليق الصوتى؟؟

التعليق الصوتى voice over ,هو الأداء الصوتى على الاعلانات ، افلام وثائقية ، 

.......Ivr رسائل صوتية , e learning  كتب صوتية

الدوبلاج هو التمثيل الصوتى لافلام الكارتون والمسلسلات والافلام المدبلجة ،   وهنا الممثل الصوتى  بيحتاح يستخدم بيحتاج يستخدم طبقات ونبرات صوتية متنوعة اكتر من المعلق الصوتى عشان تنقل الاحاسيس والمشاعر للشخصيات اللى بيمثلها ،هنلاقى كمان الممثل ممكن يعمل مؤثرات صوتية زى افلام الكارتون ودى بتحتاج مهارة تمثيلية عالية جدا من الممثل الصوتى وبتحتاج تدريب عشان يوصل لاحترافية الأداء أنه ينقل بصوته بانسيابية بين الشخصيات.. shifting

طبعا ده لاينفى أن فى بعض الإعلانات المعلق الصوتى محتاج يمثل فيها زى الاعلانات اللى بتكون فى شكل قصة بتحتاج تمثيل فاحنا مش بنفصل فصل تام بين التعليق الصوتى والدوبلاج لكننا بنحدد الفروق الواضحة بينهم ..

من الفروق التقنية بين الدوبلاج والتعليق الصوتى هى أن فى

التعليق الصوتى بيكون فيه الصوت متسجل على تراك الصوت الأصلى واللى بيقوم بالتعليق هو صوت واحد يعنى معلق صوتى واحد والتعليق الصوتى زى افلام وثائقية والإعلانات التجارية و  audio books

أما الدوبلاج فيتم استبدال الصوت الأصلى للفيلم بالصوت المدبلج او ممكن يحصل دمج بين الصوت المدبلج وبعض المؤثرات الصوتية الموجودة فى الفيلم الأصلى. فى الدوبلاج الصوت بيكون لفريق من الممثلين المحترفين فى التمثيل الصوتى وده بيكون فى الأفلام والمسلسلات والكارتون وبرامج tv show .

زى ما المعلق الصوتى مطلوب منه مواصفات عشان يكون احترافى زى جمال الصوت ،نقاؤه ،قوته ووضوح اللغة والقدرة على نقل النصوص الإعلانية والوثائقية وغيرها بروح وكاريزما صوتية مميزة ..

المدبلج voice actor مطلوب منه كل مواصفات المعلق الصوتى مضاف عليها أنه يتمتع بقدرات تمثيلية عالية لنقل مشاعر وأحاسيس مختلف الشخصيات بذكاء وانسيابية وتقمص لكل شخصية يؤديها ...