حل مشكلة الخوف اللى بتواجه المعلق الصوتى والمدبلج

👈حل مشكلة الخوف اللى بتواجه المعلق الصوتى والمدبلج :

#الخوف_عدو_للصوت

👈الصوت بيتكتم مع الخوف ، فالصوت مرتبط بالجهاز العصبى لان الصوت بيعبر عن المشاعر والأحاسيس الى بداخلك أو اللى عاوز تنقلها بدقة وحرفية من خلال احد النصوص .

فبتلاقى أن الشخص لما بيكون خايف ، الصوت بيصدر بشكل آلى جامد مصبوغ بمشاعر الخوف👎 ، والقلق ده بيحصل لان الشخص بيركز ويهتم اكتر باتقان الأداء ، فمثلا بيركز أن طبقة الصوت تكون صحيحة وان مخارج الألفاظ واضحة وان التمثيل يكون رائع ، بس كل الحاجات دى بتوترك لو عملتها كلها مع مرة واحدة 🤐..

فاللى بيحصل ان المعلق الصوتى بيقع فريسة للقلق والتفكير الزائد فى كل شىء⁦🗣️⁩.. وايضا بيعانى من مشكلة تانية وهى الحكم القاسى على نفسه ، فداخل رأسه فيه صوت ناقد بيحركه🧠 قبل حتى المستمع مايحكم عليه⁦..

والنتيجة أن الصوت بيخرج متوتر ، غير واثق وجامد خالى من المشاعر التمثيلية ..

👈لان التمثيل والغناء والتعليق الصوتى يحتاج لبيئة وظروف مناسبة وهى الاسترخاء 🧘واللى أقصده هنا بالاسترخاء هو التركيز على التنفس وعلى أن الجسم يكون مفتوح عشان يصدر الصوت بأريحية وليس بالدفع أو الضغط مما يجرح الاحبال الصوتية ...

👈الحل ايه 💪:

- تقسم كل المهام الى عاوز تعملها فى النص

وتعمل كل مهمة فى وقت واحد يعنى ماينفعش اهتم بطبقة الصوت وايضا مخارج الألفاظ فى نفس الوقت ، لكن خصص اول مرة تدريب أنك تقرأ النص بصوت عالى وتقسمه وتضع وقفات الكلام ثم تهتم بالطبقة المناسبة لكل براجراف تبعا للاثر الدرامى الى عاوز تخلى المستمع يحسه😊😊 .

_ ركز على الاحساس والمشاعر اكتر من اهتمامك بطبقات الصوت لان المشاعر هى مولد الصوت voice generator وهتلاقى الصوت بدأ يصدر بحرية 💪

_ اسمح لنفسك تغلط وتكمل عادى👏 ، لا تنتقد نفسك وتنتقد صوتك .. التكرار شىء عادى جدا حتى مع اكبر المعلقين الصوتيين بيعيدوا مرارا وتكرارا فى الاستديو ولا تقل ثقتهم😇💪 .

_ تمارين التنفس والتمارين الصوتية مهمة جدا لفتح الصوت وجعله sound forward ..

وبالتجربة العملية اليوم فى كورس " الكارتون وتقليد الأصوات" أحد المتدربات بعد ماكسرت حاجز الخوف وأداء التمارين الصوتية قدرت تمثل بصوتها 6 شخصيات كرتونية وانتقلت بينهم بمنتهى السهولة👏👍 ..

👈مع التدريب والممارسة والتقييم الصحيح هتلاقى مهاراتك بتزيد وتقدر تجمع بين مهارات التعليق الصوتى فى وقت واحد 💪..